Club De Salvamento Acuático Laracha

Club SAL

O Club SAL é o club de salvamento deportivo federado da localidade Da Laracha (Galicia, A Coruña). O club foi fundado na Laracha no ano 2002, e conta cunha ampla traxectoria deportiva e unha importante canteira con destacados deportistas e adestradores. A súa historia e evolución fan que este club vicenal sexa considerado un equipo referente en Galicia.

O Club SAL conseguiu por primeira vez o premio a mellor club nas categorías conxuntas en 2005. E continuou cunha excelente traxectoria ao longo dos anos conseguindo numerosos premios nas diferentes categorías.

No seu palmarés figuran varios trofeos a nivel de autonómico, Copas de Galicia, Ctos. galegos de augas abertas, Ctos. galegos de augas pechadas, campionatos de España, Copas de España, Campionatos de Europa e Copas de Internacionais.

Salvamento Acuático Laracha Club SAL Imaxe de grupo na porta do Concello de Laracha

Algúns dos nosos deportistas foron seleccionados para competir en campionatos de España coa Selección Galega de Salvamento; así como foron convocados para numerosas concentracións coa Selección Española, chegando a competir representando á selección Española.

Salvamento Acuático Laracha Club SAL Marcos Lobelle na selección Galega De Salavamento e Socorrismo

No ano 2019 nosa deportista Noelia Loureiro participou no Campionato de Europa interclubes en Riccione, Italia. Alí, conseguiu subir ao segundo posto do podio, representando o club, en dúas ocasións e nadar catro finais. Ademais, esta deportista, que comezou a nadar nas categorías menores do club, conseguiu ao longo da súa traxectoria récords autonómicos e nacionais.